La fin da l'onn passà han 309’400 persunas retratg prestaziuns supplementaras, 2,9 % dapli che l'onn avant. Quai ha communitgà l'Uffizi federal d'assicuranzas socialas. L'augment saja dentant sut la media dals davos onns.
Tut tenor chantun èn las prestaziuns supplementaras pli u main in basegn. Autas quotas da retrair las prestaziuns dasper la renta da vegls han il Tessin ed ils chantuns da la Svizra franzosa. Il Grischun ha ina da las bassas quotas.
Prestaziuns supplementaras vegnan pajadas a persunas cun ina renta dad AVS u AI che na vegnan betg da cuvrir ils custs minimals da viver cun lur entradas.
RR novitads 12:00