Legenda:
L’avust avevan responsabels da la SBB preschentà co persunas èn protegidas da vegnir tranter la porta.
Keystone
cuntegn
Dapli segirezza - SBB mida il proceder da laschar partir trens
Las Viafiers federalas svizras midan las reglas tar la partenza d'in tren. Da nov ston tut las portas esser serradas, ed il persunal a bord. Quai vala per ils trens cun portas sco il vagun unitar IV, scriva la SBB.
La SBB ha adattà il proceder, suenter l’accident mortal d’in accumpagnader da trens a Baden. Questa decisiun hajan ins prendì independent da las inquisiziuns actualas en connex cun l'accident.
Ils vaguns unitars IV dovra la SBB vinavant en il traffic dal mintgadi. Las davosas emnas hajan els dentant controllà l’indriz che duai proteger da vegnir tranter la porta tar tut ils vaguns, scriva la SBB. Ils vaguns pertutgads restan fin ils onns 2030 en diever, en in pèr onns dentant sulet sco reserva.
La fin d'avust aveva RTR rapportà da 69 mancos vi dals vaguns:
