En Svizra fan uffants e giuvenils tranter 10 e 19 onns dapli sport ch'avant set onns. Radund 90% dals dumandads adempleschian las recumandaziuns da moviment per persunas creschidas.
Il dumber da giuvenils che fan sport saja vegnì pli grond. Anc adina fetschian buobs dapli sport che mattatschas, ma la differenza saja sa reducida. Uffants e giuvenils en champagna fetschian dapli sport che quels en las citads. Quai èn las enconuschientschas decisivas d'in studi che l'Uffizi federal per sport BASPO ha fatg.
Las mesiras da promoziun da la Confederaziun han effect.
Uffants da 10 fin 14 onns fetschian en media 7,5 uras sport, giuvens e giuvnas da 15 fin 19 onns anc 6,5 uras. Tar ils buobs è ballape anc adina il favorit. Ir cun skis, viandar, currer ma era il trenament dals musculs èn ulterius sports oravant tut per ils pli vegls. Las mattatschas fan il pli gugent gimnastica u sautan.
Dals passa 3'400 participants e partizipantas han 12% dals uffants e 18% dals giuvenils inditgà ch'els na fetschian betg sport. 2014 tar l'ultima retschertga eran quai anc 14%, respectiv 20%.
Ord l'Archiv
Il chantun Grischun promova gia dapi intgins onns il sport popular: