Dapli stabilitad tar las cundiziuns da basa sco ils pajaments directs e pli pauca administraziun – quai èn las finamiras dals purs svizzers per sia politica agrara. A la 86avla radunanza da delegads la gievgia a Berna ha l'Uniun purila svizra approvà ina resoluziun en chaussa.
Questas finamiras dals purs na vesian ils purs però betg ademplidas dal messadi davart la «politica agrara 22+» ch'è actualmain en consultaziun.
Ils purs sa fetschian plinavant quitads pervia da l'iniziativa per «aua netta e nutriment sanadaivel» ch'è vegnida inoltrada quest onn, scriva l'agentura da novitads SDA. Il titel da l'iniziativa sugereschia finamiras che na sajan betg da cuntanscher unicamain tras l'agricultura.
RR novitads 17:00