La Confederaziun po subvenziunar quest onn implants solars cun 180 milliuns francs. Quai èn 30 milliuns dapli che spetgà. I dettia dapli daners, perquai ch’ils pretschs sin il martgà da l’electricitad sajan creschids l’onn passà, scriva l’Uffizi federal d’energia.
Tgi che ha pia inoltrà fin avant tschintg onns la dumonda da subvenziunar in grond implant fotovoltaic, survegn fin la fin dal 2019 ina garanzia finanziala. Grazia als daners supplementars po la glista da spetga per uschenumnadas bunificaziuns unicas vegnir reducida.
La Confederaziun sustegna quest onn en tut passa 2’000 implants solars. Pajadas vegnan las subvenziuns dals consuments d’electricitad. Quels pajan dapi l’onn passà in supplement da 2,3 raps dapli per mintga ura kilowatt.
RR novitads 14:00