Svizra - Dapli sustegn per ina cunvegna da basa cun l'UE
Adina dapli Svizras e Svizzers èn per ina cunvegna da basa cun l'UE. Tenor ina retschertga online dals portals da Tamedia eran 49% dals dumandads la fin zercladur cler u plitost persuenter. 43% eran encunter. Il rest n'haveva anc betg fatg in'opiniun. Avant in mez onn eran mo 45% persuenter.
En spezial tar las votantas ed ils votants da las partidas sanestras chatta ina cunvegna grond sustegn. Trais da quatter simpatisants (75%) da la PS e dals Verds han ditg «gea« u «plitost gea» sin la dumonda davart ina cunvegna cun l'UE. Cleramain pli bass è il consentiment tar ils aderents da PCD (56%) e PLD (55%) e tar la PPS giavischan sulet 18% ina cunvegna.
La retschertga è dals 21 e 22 da zercladlur cun radund 14'900 persunas.
