Siglir tar il cuntegn

Header

Navigaziun

cuntegn

Svizra Dapli sustegn per indrizs da sport da muntada naziunala

La Confederaziun duai sustegnair er la gestiun dad indrizs da sport da muntada naziunala e betg sco fin uss be la construcziun da tals. Da quest opiniun è ina maioritad dal Cussegl dals chantuns.

Stadion da ballape cun pista da currer.
Legenda: Indrizs da sport da muntada naziunala duain survegnir Keystone

Actualmain lubescha la lescha federala per la promoziun dal sport che la Confederaziun po sustegnair finanzialmain la construcziun d'in indriz da sport da muntada naziunala. Silsuenter ston las organisaziuns che gestiuneschan ils indrizs – sajan quai uniuns, vischnancas u chantuns – purtar sulettas tut ils custs per il mantegniment ed il manaschi da quels.

Quai saja ord vista da la muntada dal sport e da quels indrizs, betg mo per ils atlets da renum mabain era per la promoziun dal sport tar creschids ed uffants, betg correct, di il cusseglier dals chantuns cristiandemocrat Stefan Engler. Cun sia moziun vul el perquai midar la lescha federala per che la Confederaziun possia il futur dar in sustegn finanzial.
Mussà tschertas simpatias per la moziun ha era la ministra da sport, Viola Amherd. Natiralmain sajan quels indrizs impurtants. I na saja dentant betg chaussa da la Confederaziun da siglir en sche quels na possian betg purtar sasez.
Cun 26:9 vuschs ha la chombra pitschna dentant dà suatientscha a la moziun. Ussa decida aunc in Cussegl naziunal.

RR novitads 12:00