Tadlar radio sur UKW è pussaivel enfin ils 31 da december 2024. A questa data sajan sa cunvegnids ils radios svizzers. Tenor communicaziun hajan consumentas e consuments uschia dapli temp da midar sin DAB+.
Ultimamain eri planisà che la SRG/SSR midia cumplettamain l'avust 2022 ed ils radios privats sin l’entschatta dal 2023 sin DAB+. Cunter quests plans avevi dà opposiziun ord la Svizra franzosa. Damai ch’i dovria dentant ina schliaziun unitara, sajan ils radios puspè turnads a lur plan oriund.
Questa schliaziun custia dentant plirs milliuns francs, scrivan ils emetturs da radio.
Ord l'archiv
DAB+ stat per «Digital Audio Broadcasting» ed è il nov standard da radio che succeda al UKW. RTR ha rimnà ils impurtants fatgs:
Gia il 2017 èsi vegnì ponderà davart in nov sistem per alarmar la populaziun cura che UKW n'exista betg pli.
