La Svizra è sin l'ultima plazza da 38 pajais europeics, quai mussa in rapport da l'agentura d'ambient europeica. Las organisaziuns d'ambient BirdLife, Pro Natura e WWF pretendan ussa, che la Svizra stoppia s'engaschar pli fitg per mantegnair la biodiversitad. Il rapport mussia che la Svizra saja lunsch davos auters pajais, scrivan las organisaziuns.
La Svizra stoppia ussa far in grond pass enavant. Il plan d'acziun biodiversitad stoppia finalmain vegnir realisà.
RR Novitads 12:00