Siglir tar il cuntegn
cuntegn

Svizra Dapli transparenza tar custs da products medicinals

Quai pretenda la cumissiun da gestiun dal Cussegl dals chantuns. Products medicinals sco charrets da chaminar, maschinas d’inhalaziun u era material per bandaschas custan numnadamain adina dapli a las assicuranzas da malsauns

dunna cun charret da chaminar (be las chommas ed il charret)
Legenda: Ils custs per products medicinals sco charrets da chaminar s'augmentan ad in cuntin senza propi esser transparents. Keystone

Perquai ch’ils motivs per l’augment da custs n’èn betg propi visibels dovria quai ina retschertga detagliada. Era pretenda la cumissiun d’introducir in monitoring da custs. Tenor l'Uffizi federal da sanadad publica (BAG) è ina da las raschuns per l'augment da custs er ch'igl è vegnì finanzià products cun quests daners che na fissan betg previs da vegnir finanziads sin questa via.

L’associaziun da las assicuranzas da malsauns Santésuisse ed il survegliader dals pretschs quintan cun pussaivels respargns da 100 milliuns francs, la Confederaziun quinta cun respargns da 10 milliuns.

RR novitads 18:00