Siglir tar il cuntegn

Header

Navigaziun

Placat da la campagna per l'iniziativa da transparenza.
Legenda: Ils iniziants vulan procurar per dapli transparenza en la politica svizra. Keystone
cuntegn

Svizra Dapli transparenza tar finanzas da partidas

La cumissiun d’instituziuns politicas dal Cussegl dals chantuns propona d’elavurar ina cuntraproposta a l’iniziativa da transparenza.

L’iniziativa ch’è vegnida inoltrada l’atun avant in onn tranter auter dals Verds, da la Partida socialdemocratica e da la PBD pretenda, che las partidas stoppian publitgar lur finanzas e render transparent lur investiziuns en campagnas electoralas e da votaziuns.

Ch’i dovri qua reglas cleras crai era la maioritad da la cumissiun. Ella è dentant da l'opiniun ch’i na dovria betg ina midada da la Constituziun, mabain ch’i tanschia da midar la lescha federala. Sche era la cumissiun dal Cussegl naziunal è da questa opiniun, duai vegnir elavurada ina proposta concreta anc questa primavaira. Era integrar en quella vul la cumissiun da la chombra pitschna in scumond per las partidas d’acceptar donaziuns da persunas ed organisaziuns da l’exteriur.

RR novitads 17:00