Partidas svizras e comités duain en l'avegnir stuair tradir lur donaturs. Quai vul la Cumissiun d'instituziuns politicas dal Cussegl dals chantuns. Ella refusa l'iniziativa da transparenza, preschenta dentant ina cuntraproposta. Tenor lezza duain partidas en Chasa federala far palais tgi che dat ad ellas mintg'onn passa 25'000 francs. In'obligaziun da declerar ils donaturs dettia er sche persunas u organisaziuns dettian ora passa 250'000 francs per ina campagna da votaziun. Tar in'iniziativa duai la limita esser sin 100'000 respectiv 10'000 francs.
RR novitads 17:00