Dapli vehichels – igl è vegnì anc pli stretg sin las vias svizras

Che la mobilitad crescha en Svizra sa mussa era en la statistica. La fin dal 2015 eran annunziads en Svizra 5,9 milliuns vehichels a motor.

Ina colonna dad autos sin la "Hardbrücke" a Turitg Bild in Lightbox öffnen.

Legenda da maletgs: Il traffic en Svizra crescha pli e pli Keystone

Quai èn passa 100'000 vehichels dapli che la fin da l'onn avant. Sco quai che l'Uffizi federal da statistica communitgescha, ha l'effectiv total dals vehichels annunziads cuntanschì uschia in nov record. Trais quarts dals vehichels registrads èn autos da persunas. La fin da l'onn passà eran 4,5 milliuns autos immatriculads.

Trend ad autos pli pitschens

En cumparegliaziun cun l’onn avant han ils Svizzers e las Svizras preferì pli savens da cumprar autos cun motors pitschens, sut 1’000 centimeters cubic. Questa categoria mussa in augment da las registraziuns novas da var 45 pertschient.

Autos electrics - tge è quai?

Anc betg in hit en Svizra èn ils autos electrics, sco la statistica mussa. Bain è il dumber da novs autos electrics s’augmentà il 2015 per 70 pertschient. Dentant datti en Svizra tuttina anc mo 7’531 autos electrics, quai èn 0,2% da l’entir dumber d’autos da persunas.

Dapi il 1990 è il dumber total da vehichels registrads en Svizra creschì cun 56% per pli che la mesadad.

RR novitads 14:00