Malgrà che las partidas burgaisas vulan cooperar en vista a las elecziuns naziunalas crititgescha il president da la PCD Christophe Darbellay fermamain la PLD e la PPS.
Entant che Darbellay numna la PPS ina partida radicalisada rinfatscha el als politichers liberals da la Svizra tudestga da betg vulair discurrer davart las cunvegnas bilateralas cun l'UE. Pervi da quest sbagl perdia la Svizra temp custaivel ha Darbellay ditg en ina intervista cun la gasetta «Le Matin Dimanche».