Darbellay: «Ils pleds da l'uvestg spretschan l'uman»

Il president da la Partida cristiandemocratica Svizra, Christophe Darbellay, crititgescha l'uvestg Vitus Huonder per ses pleds en connex cun l'omosexualitad.

darbellay en che mussa il mussadet Bild in Lightbox öffnen.

Legenda da maletgs: Tals pleds n'hajan betg plaz en nossa societad, di il president da la PCD Svizra Christophe Darbellay. Keystone

I na saja bain betg sia incumbensa da dar notas ad uvestgs, di Christophe Darbellay en in'intervista cun la «NZZ am Sonntag». I saja però inacceptabel da far tals pleds spretschonds vers omosexuals. Era sco persuna betg pertutgada sa sentia el offendì, continuescha il president da la PCD Svizra.

Sco cristian saja per el lionta plitost la tenuta da Papa Franzestg. Lez na sclaudia betg da la baselgia las persunas omosexualas.

Il fanadur aveva l'uvestg Huonder cità in pled da la bibla, nua che sex tranter umens vegn titulà sco atrocitad - che vegnia chastiada cun la mort. Pli tard aveva discurrì Huonder d'ina malentelgientscha ed era sa perstgisà.

RR novitads 06:00