La societad aviatica tessinaisa Darwin Airline è a fin. L'administratur dal relasch haja ordinà il concurs, rapporta l’emettur da televisiun e radio da la Svizra taliana RSI. Ils meds finanzials n’hajan betg tanschì per pudair lantschar ina nova entschatta per la societad aviatica. Quai saja vegnì communitgà ad ina radunanza da persunal Gia ils 28 da november aveva l’Uffizi federal d’aviatica civila retratg la lubientscha per sgols da lingia pervia dals problems finanzials da l'interpresa.
La societad Darwin Airlines era vegnida fundada il 2003 cun sedia a Lugano. Finamira da la societad era da colliar il Tessin e sia economia cun ils centers da finanza ed il eroports da Turitg e Genevra.
RR novitads 18:00