La Confederaziun dastga en il futur analisar ils telefonins da requirents d’asil. Suenter il Cussegl naziunal ha er il Cussegl dals chantuns approvà questa mesira. Quai cun 30 tar 12 vuschs. L’analisa da las datas electronicas duai gidar tar l’identificaziun da requirents d’asil. Questa opziun duai almain tenor la ministra da giustia, Karin Keller-Sutter, restar l’ultima opziun.
Il Secretariat da stadi per la migraziun ha fatg in project da pilot davent dal november 2017 enfin il matg 2018. En 15% dals cas hajan ins pudì chattar datas nizzaivlas sin telefonins u tablets.
Cura ch'il Cussegl federal metta en vigur la regulaziun n'è betg anc cler. Cler è ch'i dat in rapport trais onns suenter metter en vigur davart opportunitad, efficacitad e rentabilitad da la mesira.
