Siglir tar il cuntegn

Header

Davos la galaria da segirtad, spetga il tren en il segund tunnel dal Gottard sin ils passagiers.
Legenda: Davos la galaria da segirtad, spetga il tren en il segund tunnel dal Gottard sin ils passagiers. RTR/F. Belotti
cuntegn

Svizra Davos exercizi da salvament or dal tunnel dal Gottard

En il tunnel da basa dal Gottard hai dà la fin d’emna in grond exercizi da salvament. Radund 800 passagiers èn vegnids spendrads or dal tunnel da basa. Tenor la Viafier federala è l’acziun grategiada.

L’acziun da salvament ha previs il suandant: In ICN cun radund 800 persunas a bord entra dad Erstfeld en il tunnel dal Gottard. En in dals vaguns sorta fim or da la climatisaziun.

Il tren va anc enfin tar la staziun d’urgenza da Sedrun, nua ch’il tren sa ferma.

Ils passagiers van sur ina galaria da fugia sur 1.5 kilometers fin tar la segunda staziun d’urgenza, fin tar il segund tunnel dal Gottard.Là entran els en il tren d’evacuaziun e vegnan transportads a Biasca. En il fratemp han dus trens dals pumpiers stizzà il fieu en l’auter tunnel nua ch’in vagun ardeva.

Davos exercizi avant l'avertura

L’acziun cun il num «Tavesch» è stada la quarta ed ultima acziun da salvament en il nov tunnel dal Gottard. En funcziun duai il nov tunnel da basa ch’ha ina lunghezza da 57 kilometers, ir l’emprim da zercladur da quest onn.

Artitgels legids il pli savens

Ir a sanester Ir a dretg