Svizra - Davos exercizi da salvament or dal tunnel dal Gottard
En il tunnel da basa dal Gottard hai dà la fin d’emna in grond exercizi da salvament. Radund 800 passagiers èn vegnids spendrads or dal tunnel da basa. Tenor la Viafier federala è l’acziun grategiada.
Mezdi: Salvament en cas urgent ord il tunnel da basa dal Gottard
03:53 min, ord Actualitad dals 21.03.2016.
laschar ir. Durada: 3 minutas 53 Secundas.
L’acziun da salvament ha previs il suandant: In ICN cun radund 800 persunas a bord entra dad Erstfeld en il tunnel dal Gottard. En in dals vaguns sorta fim or da la climatisaziun.
Il tren va anc enfin tar la staziun d’urgenza da Sedrun, nua ch’il tren sa ferma.
Ils passagiers van sur ina galaria da fugia sur 1.5 kilometers fin tar la segunda staziun d’urgenza, fin tar il segund tunnel dal Gottard.Là entran els en il tren d’evacuaziun e vegnan transportads a Biasca. En il fratemp han dus trens dals pumpiers stizzà il fieu en l’auter tunnel nua ch’in vagun ardeva.
Davos exercizi avant l'avertura
L’acziun cun il num «Tavesch» è stada la quarta ed ultima acziun da salvament en il nov tunnel dal Gottard. En funcziun duai il nov tunnel da basa ch’ha ina lunghezza da 57 kilometers, ir l’emprim da zercladur da quest onn.
1 / 10
Legenda:
Locomotiva a Turitg
Gia en la staziun da Turitg beneventa ina locomotiva dal Gottard.
Keystone
2 / 10
Legenda:
Noss um en il tren
Federico Belotti (RTR) en viadi a l'exercizi da salvament.
RTR F.Belotti
3 / 10
Legenda:
800 sa vulan laschar salvar
Ils figurants sin viadi en ina halla ad Erstfeld nua ch'i dat las emprimas instrucziuns.
RTR F.Belotti
4 / 10
Legenda:
I cummenza - instrucziuns ad Erstfeld
instrucziuns per ils partecipants a l'exercizi en la halla d'industria ad Erstfeld.
RTR F.Belotti
5 / 10
Legenda:
Ils passagiers sortischan dal tren che brischa
Ils passagiers sortischan dal tren che brischa.
RTR F.Belotti
6 / 10
Legenda:
En la galaria per fugir da Sedrun
En la galaria per fugir da Sedrun.
RTR F.Belotti
7 / 10
Legenda:
L'aventura n'è betg anc a fin - staziun da Sedrun
Federico Belott (RTR) tar l'ascensur che maina tecnicists a Sedrun.
RTR F.Belotti
8 / 10
Legenda:
La via da fugia maina sperasvi il ascensur da Sedrun
La via da fugia maina sperasvi il ascensur da Sedrun.
RTR F.Belotti
9 / 10
Legenda:
Davos la galaria da segirtad, spetga il tren en il segund tunnel dal Gottard sin ils passagiers.
RTR/F. Belotti
10 / 10
Legenda:
Danovamain si sur terra - a Biasca
Ils figurants sa radunan en la halla da glatsch a Biasca, nua ch'i dat ina marenda.
RTR F.Belotti
