La Societad da bursa svizra ha interess vi da la bursa spagnola, la Bolsas y Mercados Españoles BME. La SIX è pronta da pajar 34 euros per aczia da la BME – in terz dapli che l'actual curs da l'aczia. Quintà enturn fiss quai in pretsch da total radund 2,8 milliardas euros ubain 3,1 milliardas francs. Avess la fatschenta da gartegiar, fiss la SIX suenter la terz gronda societad da bursa da l'Europa.
Interess vi da la bursa spagnola ha dentant era l'interpresa Euronext. Actualmain gestiunescha Euronext las bursas ad Amsterdam, Brüssel, Dublin, Lissabon e Paris. Ultra da quai ha Euronext interess vi da la Societad da bursa taliana, la Borsa Italiana.
RR novitads 11:00