Pervi da la situaziun actuala ha il Cussegl federal decis da desister da las votaziuns previdas per ils 17 da matg. Per tut las iniziativas e referendums pendents vegnia il temp entaifer il qual las suttascripziuns ston vegnir rimnadas u il referendum vegnir tractà prolungà.
Sco raschuns numna il Cussegl federal tranter auter ch'igl è pervi da la situaziun actuala grev da possibilitar in process nua che mintgin po far ses agen maini. Saja quai entras il cumbat da votaziun da las partidas ch'è restrenschì u er las medias ch'èn limitadas en lur rapportaziun.
Plinavant cusseglia la regenza Svizra als chantuns da lubir radunanzas communalas be sch'ellas sajan explicitamain necessarias.
Betg l'emprima giada
Gia il 1951 ha il Cussegl federal annulà in'entira dumengia da votaziuns. Quella giada pervi da l'epidemia da gnifla e pes (Maul- und Klauenseuche). La decisiun da spustar las votaziuns ha la regenza prendì lezza giada perquai ch'i na fiss en plirs chantuns betg stà pussaivel dad ir a l'urna.
Tuts perina
Las partidas, dentant era las organisaziuns, per exempel da l'economia, scrivan unanimamain, che ellas chapeschian la decisiun. Tuts sustegnan il Cussegl federal. La Svizra è en ina situaziun extraordinaria e perquai sa chapescha ch'il cumbat encunter il coronavirus stettia per il mument en il center.
Oravant n'eran las oppiniun anc betg uschè cleras, almain tranter parlamentaris grischuns:
