Davent da la stad ston camiuns pli vegls pajar dapli taxa sin il traffic da camiuns pesants. Il Cussegl federal ha adattà l'ordinaziun sin l'emprim da fanadur. Tranter auter vegnan camiuns da la categoria Euro IV ed Euro V classifitgads da nov en la pli auta categoria.
Tenor la communicaziun dal Cussegl federal portan quests camiuns 10 fin 20% da la prestaziun totala da traffic en il transport da rauba. Vitiers vegn stritgà il rabat da 10% per camiuns da las categorias Euro II ed Euro III.