- La cumissiun da concurrenza WEKO ha approvà la cumpra da UPC entras la Sunrise.
- Quai senza restricziuns e pretensiun sco Sunrise ha communitgà.
- Anc ston ils acziunaris da Sunrise dar glisch verda per il deal da 6,3 milliardas francs.
La cumpra è dentant dispitaivla tar ils acziunaris da Sunrise. Cunzunt il pli grond acziunari, la firma tudestga Freent, n'è betg persvadida. Sco proxim sto la radunanza generala dals acziunaris approvar la fatschenta ed er in augment dal chapital da passa 4 milliardas francs. La radunanza ha probabel lieu ils 23 d'october.
audio
Per tadlar: Las novitads da las 11:00
Maletg: RTR
ord Novitads dals 26.09.2019.
laschar ir. Durada: 3 minutas 43 Secundas.RR novitads 08:00