Siglir tar il cuntegn

Header

video
L'obligatori da certificat è vegnì schlargià
Or da Telesguard dals 08.09.2021.
laschar ir. Durada: 3 minutas 23 Secundas.
cuntegn

Decisiun dal Cussegl federal Obligatori da certificat per la Svizra

L'obligatori da certificat da covid vegn schlargià e vala a partir dals 13 da settember fin ils 24 da schaner 2022. L'obligatori vala a partir da 16 onns.

In certificat è obligatoric per:

  • Visitas da restaurants e bars endadens
  • Indrizs da cultura, sport e divertiment endadens
  • Occurrenzas endadens
  • Occurenzas ordadora cun dapli che 1'000 persunas
  • Persunas a partir da 16 onns

Cun schlargiar l'oligatori da certificat vul il Cussegl federal evitar da stuair stritgar occurrenzas u serrar instituziuns. Il dumber d'infecziuns saja vinavant aut e la situaziun en ils ospitals anc adina tendida. E cun las temperaturas pli frestgas da l'atun, na possian ins betg sclauder dapli ospitalisaziuns, uschia ch'ils ospitals fissan surchargiads.

audio
Adrian Camartin davart la decisiun dal CF
ord Actualitad dals 08.09.2021.
laschar ir. Durada: 5 minutas 22 Secundas.

Tramess en consultaziun ha il Cussegl federal duas ulteriuras mesiras, d'ina vart per persunas na viroladas che vulan vegnir en Svizra e da l'autra vart per il certificat svizzer per persunas ch'èn viroladas en l'exteriur.

Tge è il certificat?

Avrir la box Serrar la box

Il certificat da covid documentescha uffizialmain

  • la vaccinaziun
  • in resultat da test negativ
  • ina persuna guarida

Il certificat datti digital u sin palpiri

Obligatori da certificat da covid endadens

En restaurants e bars sco era en indrizs da cultura e divertiment (p. ex. museums, bibliotecas, zoos, centers da fitness, bogns cuverts, casinos) vala davent dals 13 da settember in obligatori da certificat da covid. L'obligatori na vala betg per terrassas da restaurants e restaurants en la zona da transit d'eroports.

Per visitar occurrenzas sco conzerts, teater, eveniments da sport u eveniments privats en localitads publicas dovri era in certificat. Exceptà èn occurrenzas religiusas e per furmaziun da l'opiniun politica enfin 50 persunas.

Sedutas da parlaments e radunanzas communalas èn era exceptadas.

Nua che l'obligatori da certificat vala, na dovri betg pli ulteriuras mesiras da schurmetg. Pia ston per exempel mascrinas betg vegnir purtadas.

video
Persunas cun certificat survegnan dapli libertads.
Or da News-Clip dals 08.09.2021.
laschar ir. Durada: 21 Secundas.

Obligatori da certificat da covid ordadora

Ordadora datti in obligatori per eveniments cun dapli che 1'000 partizipants. Organisaturs d'occurenzas pli pitschnas dastgan decider sch'i dovra il certificat u betg.

Il certificat tar il plaz da lavur

Emploiaders dastgan mo controllar in certificat tar ils emploiads ed emploiadas sch'i dovran las infurmaziuns per definir mesiras da protecziun u concepts da test. Las infurmaziuns na dastgan betg vegnir duvradas per auters intents e tests sto il patrun u la patruna pajar.

Accelerar las vaccinaziuns

Il minister da sanadad Alain Berset ed il president da la conferenza da directurs da sanadad (GDK) Lukas Engelberger accentueschan anc ina giada, che la vaccinaziun saja la schliaziun per la crisa. Sch'il tempo da vaccinar pudess vegnir accelerà per in mais, fiss la situaziun avant Nadal meglra.

Organisai anc oz Vossa vaccinaziun!
Autur: Lukas Engelberger President GDK
las reglas schlargiadas per il certificat da covid
Legenda: RTR

Duas ulteriuras mesiras en consultaziun

In tema tar la sesida dal Cussegl federal eran las reglas per entrar en Svizra. La finamira è d'identifitgar ed isolar persunas infectadas uschè spert sco pussaivel. Il Cussegl federal dat duas variantas en consultaziun.

Tar l'emprima varianta stuess mintga persuna che n'è betg vaccinada u guarida preschentar in test negativ a l'entrada en Svizra. I n'emporta betg da nua che questa persuna vegn. Suenter quatter fin set dis sto in segund test vegnir fatgs ed il resultat sto vegnir annunziads al chantun. Ils tests èn da pajar sez.

Tar la segunda varianta dovri era in test tar l'arrivada, ma enstagl d'in segund test datti diesch dis quarantina. La quarantina po vegnir scursanida cun in segund test negativ suenter set dis.

Tar omaduas variantas ston ins emplenir ora in formular d'entrada electronic e las reglas valan per tut las modas d'entrar. Exeptads èn cunfinarias e cunfinaris, uffants sut 16 onns, transits da persunas u rauba.

Persunas vaccinadas en l'exteriur duajan pudair survegnir il certificat svizzer sch'i èn vaccinads cun in vaccin acceptà da l'Agentura da medischina europea (EMA). Mintga chantun sto definir in post da contact per questas persunas.

La consultaziun cuzza anc fin ils 14 da settember.

RTR novitads 15:00

Artitgels legids il pli savens