La Festa federala da lutga e da gieus alpesters ha lieu il 2025 a Mollis en il chantun Glaruna. Igl è l’emprima giada en l’istorgia ch’il chantun dastga organisar la festa. Quai ha decis la sonda la Federaziun da lutga federala a chaschun da la radunanza da delegads virtuala.
La decisiun per Mollis è ina pitschna surpraisa: L’auter candidat per l’organisaziun fiss stà la citad da Son Gagl che aveva organisà gia il 1980 la festa e valeva perquai sco favurit.
La Festa federala da lutga ha lieu mintga trais onns. Tenor tradiziun vegn ella surdada en in turnus mintgamai ad ina da las tschintg federaziuns regiunalas. L'ultima Festa federala da lutga en la regiun Svizra dal Nordost ha gì lieu il 2010 a Frauenfeld.
La proxima festa da lutga federala ha lieu il 2022 a Pratteln.