Siglir tar il cuntegn

Header

cuntegn

Decisiun istorica Votaziun davart discriminaziun da pèrs maridads n'è betg valaivla

Per l'emprima giada ha il Tribunal federal annullà ina votaziun naziunala. Sch'ella vegn repetida n'è anc betg cler.

  • La votaziun dal favrer 2016 davart l’iniziativa cunter la discriminaziun da pèrs maridads è nunvalaivla.
  • Il Tribunal federal ha decis a favur da la PCD ch'aveva constatà in sbagl en il carnet da votaziun e purtà plant.
  • L’iniziativa da la PCD era vegnida refusada il 2016 cun 50,8% da las vuschs.

En il carnet da votar avevi dentant dà in sbagl. Enstagl da radund 450’000 pèrs pertutgads aveva il Cussegl federal inditgà 80’000 pèrs. Cunter il resultat stretg da la votaziun aveva la PCD perquai purtà plant, ed ha gì success. Il sbagl saja grond avunda per annullar la votaziun, ha decis il Tribunal federal.

Sco proxim sto uss il Cussegl federal decider, schebain el fixescha ina segunda votaziun davart l'iniziativa. Pussaivel è dentant er che l'iniziativa vegn anc ina giada en il parlament. En quest cas avess il parlament avunda temp da proponer e decider davart ina cuntraproposta. La PCD pudess lura er retrair l'iniziativa.

Reacziuns

La PCD è levgiada da la decisiun dal Tribunal federal. Sco la partida scriva giaja er per puspè restabilir «la fidanza en il Cussegl federal». Redactur da la chasa federala, Adrian Camartin, ha discurrì cun cusseglier naziunal Martin Candinas.

audio
Saira: Martin Candinas (PCD) davart annulaziun da votaziun federala
ord Actualitad dals 10.04.2019.
laschar ir. Durada: 3 minutas 55 Secundas.
audio
Saira: Cussegl federal davart annulaziun da votaziun federala – analisa da Adrian Camartin
ord Actualitad dals 10.04.2019.
laschar ir. Durada: 2 minutas 48 Secundas.

Cun excepziun da la PPS beneventan tuttas partidas dal parlament ch'i vegnia anc ina giada votà en chaussa.

RR novitads 14:00

Artitgels legids il pli savens