Profils da DNA dastgan er vegnir fatgs en vista d'eventuals delicts en l'avegnir, quai ha decidì il Tribunal federal. La lescha na lubeschia dentant betg da prender emprovas da DNA per regla e d'analisar quellas. I dovria indizis considerabels e concrets ch'ina persuna pudess esser involvida en l'avegnir en in delict, argumenteschan ils derschaders.
Il Tribunal ha tractà in cas d'in um che ha smanatschà in medi dal chantun Turitg. La polizia ha lura fatg in profil da DNA, malgrà ch'il medi aveva retratg sia denunzia.
RR novitads 17:00