Siglir tar il cuntegn

Header

video
Simonetta Sommaruga annunzia las novas mesiras
Or da News-Clip dals 13.03.2020.
laschar ir. Durada: 1 minuta 39 Secundas.
cuntegn

Decisiuns dal Cussegl federal Scolas vegnan serradas enfin ils 4 d'avrigl

Il Cussegl federal ha decis da rinforzar las mesiras per cumbatter il coronavirus.

  • Tut las scolas en Svizra vegnan serradas enfin ils 4 d’avrigl - saja scolas primaras, scolas autas etc.
  • Occurrenzas cun passa 100 persunas èn scumandadas enfin ils 30 d'avrigl
  • En restaurants, bars e discotecas na dastgan be dapli che 50 persunas sa rimnar.
  • L’entrada davent da l’Italia en Svizra vegn restrenschida.
  • Sco agid immediat metta il Cussegl federal a disposiziun 10 milliardas francs per l’economia.

audio
Decisiuns ed arguments dal Cussegl federal
ord Actualitad dals 13.03.2020. Maletg: Keystone
laschar ir. Durada: 4 minutas 33 Secundas.

Per restrenscher ch’il virus sa derasia pli fitg, ston tuttas persunas tegnair distanza ina da l’autra. Il Cussegl federal ha per quest intent decis pliras mesiras. Il nov decret vala cun e tochen ils 30 d’avrigl. La finamira èsi da proteger persunas pli veglias e persunas cun malsognas preexistentas. Plinavant duai vegnir evità ch’ils ospitals vegnian surchargiads.

video
Alain Berset: «I na dat nagina raschun d'avair tema» (franzos)
Or da News-Clip dals 13.03.2020.
laschar ir. Durada: 1 minuta 26 Secundas.

Betg cler sche la sessiun cuntinuescha

Sche la sessiun dal parlament federal po cuntinuar l'emna proxima en Chasa Federala n'è anc betg cler. Cusseglier federal Alain Berset ha declerà ch'il scumond d'occurenzas a partir da 100 persunas na valia betg per «biros gronds».

Cunquai ch'il parlament na saja betg ina occurenza plublica, na saja la sessiun betg pertutgada direct dal scumond. La finala decidia il parlament sch'ins possia cuntinuar la sessiun. Betg cler è anc, schebain las votaziuns dal matg vegnan ad esser.

Reacziuns da partidas

Avrir la box Serrar la box

Las partidas svizras beneventan las mesiras dal Cussegl federal. Ellas èn bain pertschertas che las mesiras èn rigurusas - dentant èn tuttas dal avis ch'i dovra in tal agir. Plinavant appelleschan ellas a la populaziun da sa tegnair vid las mesiras che la Confederaziun ha decis.

RTR novitads 16:00

Artitgels legids il pli savens