Siglir tar il cuntegn

Header

Ueli Maurer, il minister da finanzas.
Legenda: Ueli Maurer, il minister da finanzas. Keystone
cuntegn

Deducziuns per tgira d'uffants Maurer lantscha cumbat da votaziun

Il minister da finanzas Ueli Maurer ha lantschà il cumbat da votaziuns per las deducziuns per la tgira d'uffants. Il Cussegl federal propona perquai da refusar in settember il referendum che na vul betg deducziuns tar la taglia federala.

Il midament da la lescha prevesa d'augmentar las deducziuns maximalas per la tgira d'uffants externa – dad oz 10'100 sin 25'000 francs. La finamira da quella mesira fiss, che dapli dunnas cun uffants – surtut quellas cun in'auta qualificaziun – giessan vinavant a lavurar. Tenor il minister da finanzas Ueli Maurer pudessan ins cun quest midament occupar 2'500 ulteriuras plazzas cumplainas.

Il project prevesa era d'augmentar las deducziuns generalas per uffants da 6'500 sin 10'000 francs. Cun resalvas sustegna il Cussegl federal quest intent che vegn dal parlament. Dad approvar las deducziuns custass tenor il departament da finanzas 380 milliuns francs per onn.

Votaziun da referendum

La Partida socialdemocratica, cun sustegn da la Verda han fatg il referendum. Perquai vegn il project a l’urna. Bunamain la mesadad da las famiglias en Svizra na pajan numnadamain nagina taglia federala directa e possian perquai gnanc profitar da quest augment. Per quest motiv profiteschian spezialmain persunas pli ritgas pli fitg da deducziuns pli autas perquai che famiglias pli povras na stoppian gnanc pajar taglia federala.

En il parlament è l’augment da la deducziun per uffants stà fitg dispitaivel.

Artitgels legids il pli savens

Scrollar a sanestra Scrollar a dretga