Siglir tar il cuntegn

Header

Navigaziun

 Pendiculara Stanserhorn.
Legenda: Pervi d'ina defect tecnic stat da la pendiculara Stanserhorn airi. Keystone
cuntegn

Defect tecnic pendiculara La cabina dal Stanserhorn stat airi la sonda

La pendiculara sin il Stanserhorn en la Svizra centrala stat dapi venderdi saira airi. Quai han communitgà las pendicularas. A las 18:21 ha il sistem da surveglianza da la pendiculara effectuà ina fermada d'urgenza. Quai pervi d'in defect tecnic tar ina rullera en la staziun da muntogna. Sco l'interpresa da la Svizra centrala ha communitgà reprenda la pendiculara puspè dumengia bun'ura il manaschi.

Evacuaziun cun helicopter

Ils passagiers ch'eran anc en la cabina na sajan mai stads en privel. Las 27 persunas en direcziun muntogna e 6 persunas en direcziun aval, han pudì vegnir manadas cun modus d'urgenza a la staziun giavischada. Las passa 150 persunas ch'eran anc sin il piz sajan vegnidas sguladas cun helicopters giu en la val. Enfin sonda suentermezdi duai la pendiculara puspè funcziunar.

RR novitads 06:00