La Confederaziun dastga exportar 25 panzers da cumbat en Germania. Quai ha approvà il Cussegl federal. La Germania haja empermess da betg dar vinavant quests panzers dal tip Leopard 2 a l’Ucraina, hai num en ina communicaziun.
Tenor quai van ils panzers a la producenta originala, la «Rheinmetall Landsysteme GmbH». Ils panzers restian en Germania u tar partenaris europeics per augmentar ils dispositivs. La Germania e plirs pajais europeics han furnì panzers en l'Ucraina, perquai ha la Germania vulì empustar ils panzers da la Svizra.
En il rom da la missiva da l’armada 2023 aveva il parlament lubì da metter ord servetsch ils panzers sut la premissa che quels vegnian vendids enavos a la firma ch’ha producì els. Ina minoritad a la dretga ha s'opponì a quai pervia da quitads per la neutralitad svizra.
La Svizra posseda ulteriurs 134 panzers dal tip leopard-2. La Germania ha dumandà la Svizra pervia dals panzers il favrer 2023. La ministra da defensiun svizra Viola Amherd di che la vendita rinforzia la defensiun europeica e na saja betg dispitaivla or da vista da la politica da neutralitad.
