Il 2018 aveva il cussegl d'administraziun retratg indemnisaziuns da 2,71 milliuns francs (5,7% dapli che l'onn avant) e la direcziun 7,32 milliuns francs (33,5% damain che l'onn avant). Sco quai che Raiffeisen Svizra communitgescha ha la maioritad da delegadas e delegads refusà il rapport en ina votaziun consultativa. A las novas reglas da bunificaziun pli transparentas per il 2019 ha però ina clera maioritad ditg gea.
Nagina descharscha per mancaza d'infurmaziuns
Plinavant ha il cussegl d'administraziun da la banca Raiffeisen decidì da stuschar las votaziuns davart sia descharscha e quella dalla direcziun. Infurmaziuns necessarias manchian anc.
Raiffeisen resta cooperativa
Giud maisa è l'idea da midar la banca en ina societad d'aczias. Raiffeisen Svizra saja vegnida a la conclusiun ch'i na portia betg dapli da midar la cooperativa en ina societad d'aczias, ha ditg il cussegl d'administraziun.
RR novitads 17:00