In policist tessinais pensiunà ha sajettà giu ina dunna ed in um en ina ustaria tar il Piazza Grande da Giubiasco e silsuenter drizza l'arma cunter sa sez ha communitgà la polizia chantunala.
Tar las unfrendas sa tractì dad in um da 60 onns ed ina dunna da 47 onns. Omasduas persunas sajan mortas al lieu.
Tenor las emprimas retschertgas da la polizia chantunala dal Tessin sa tracti probabel d'in delict da relaziun. La dunna mazzada era la ex-dunna dal delinquent da 64 onns.
La procura publica ha instradà in'inquisiziun. La polizia ha lantschà in appel a perditgas.