La polizia da Lucerna porta plant cunter organisaturas ed organisaturs da la demonstraziun da corona betg lubida da sonda passada. Radund 1500 persunas eran idas sin via per demonstrar cunter las mesiras da corona. Enturn 60 dad ellas ha la polizia tramess davent.
La demonstraziun haja entschet enturn l'ina e haja manà tras la citad veglia, communitgescha la polizia da Lucerna. Enturn las quatter saja la demonstraziun ida a fin.
La polizia haja stuì schliar ina confruntaziun tranter adversaris da las mesiras e cuntra-demonstrantas. Ella ha duvrà vapurisaders da paiver. Nagin na saja vegnì blessà.
audio
Per tadlar: Las novitads da las 12:00
ord RTR Audio dals 13.09.2021.
laschar ir. Durada: 5 minutas.
