Siglir tar il cuntegn

Header

video
Hunderte Chaoten randalieren in der Stadt Zürich
Or da News-Clip dals 02.04.2023.
laschar ir. Durada: 27 Secundas.
cuntegn

Demonstraziun illegala Chaots sanesters vulnereschan plirs policists a Turitg

A Turitg èn set policistas e policists vegnids blessads tar ina demonstraziun nunlubida la sonda notg. Sco quai che la Polizia da la citad da Turitg scriva, saja ina gruppa violenta da plirs tschients persunas mascradas idas tras ils circuits 4 e 5. Els hajan immediat reagì cun violenza sin la preschientscha da la polizia. Quai cun stangas da fier, crappa, fieus artifizials e cocktails da molotov.

Ils chaots e las chaotas han donnegia autos parcads, vehichels dal traffic public e sprayà sin fassadas. La polizia haja suenter reagì cun muniziun da gumma, gas lacrimogen e squitta d’aua. Las forzas d’intervenziun han controllà 60 persunas ed arrestà 17 persunas. Ils donns na sajan anc betg calculabels.

RTR novitads 17:00

Artitgels legids il pli savens