Siglir tar il cuntegn

Header

cuntegn

Svizra Demonstraziuns a Chiasso

I sa tractia d'activists da «no borders» ch'han protestà cunter la politica da migraziun da la Svizra al cunfin sid, communitgescha l'agentura da novitads ansa.

A Chiasso han enturn 250 persunas demonstrà. La demonstraziun dad ier suentermezdi è bain stada annunziada, ma betg lubida da la polizia. Tenor la Polizia chantunala dal Tessin haja la demonstraziun entschet al center da sport e saja cuntinuada vers il center da la citad tar la staziun. Là hajan ils demonstrants envidà fieus artifizials e bumbas da fim. Suenter èn els ids enavant tar in passagi dal cunfin.

Sin lur tura ha la gruppa commess enturn 40 donns materials vi da edifizis publics e privats. Ils demonstrants èn per part stads mascrads.

Stads involvì en l'acziun cunter ils demonstrants èn la polizia da la citad Chiasso e Mendrisio, e la polizia da transport en collavuraziun cun il secretariat da stadi da migraziun, las Viafiers federalas e la sanitad. Actualmain analisescha la polizia ils mussaments. Tenor sia communicaziun na sclaud'ins betg denunzias.

RR novitads 06:00

Artitgels legids il pli savens