Siglir tar il cuntegn

Header

cuntegn

Svizra Demonstraziuns cunter rassissem

En citads svizras èn danovamain pliras tschient persunas idas sin via per demonstrar cunter rassissem. Las autoritads avevan lubì questas demonstraziuns e quellas èn stadas paschaivlas.

Cun curtas acziuns han ils demonstrants regurdà vi da la mort violenta da l'Afroamericant George Floyd entras la polizia, rapportan agenturas da novitads. A Basilea èn var 250 sa radunadas. A Turitg sajan quai stadas var 150, a Lucerna 50 ed a Losanna 30.

demonstrants vestgids en nair per terra.
Legenda: A Losanna sco er a Turitg èn ils demonstrants giaschids per 8 minutas e 46 secundas per terra. Uschè ditg aveva in policist american smatgà davent l'aria al afroamerican George Floyd, ils 25 da matg 2020. Keystone

Adattà al tema

Rassissem è il tema che dominescha las medias suenter il mazzament violent da l'Afroamerican George Floyd entras in policist da pel clera a Minneapolis. Quel tema muventa la glieud, procura per vivas discussiuns e blers conflicts. E quai n'è er betg auter entaifer ils cunfins rumantschs.
Tar nus rumantschs stat la discriminaziun rassistica en stretga colliaziun cun la lingua. Tge colliaziun che quai è, co che la situaziun è stada pli baud e per tge motivs ch'i deva e dat discriminaziun rassistica er entaifer la communitad rumantscha, declera il filosof, autur e publicist Iso Camartin ch'è scienzià ed expert da la lingua e la cultura rumantscha.

RTR novitads 17:00

Artitgels legids il pli savens

Scrollar a sanestra Scrollar a dretga