Siglir tar il cuntegn

Header

Navigaziun

Demonstraziun a Turitg en la Langstrasse.
Legenda: Demonstraziun a Turitg en la Langstrasse. Keystone
cuntegn

Svizra Demonstraziuns per meglra protecziun dal clima

En pliras citads svizras hai dà demonstraziuns per ina meglra protecziun dal clima. Appellà a las demonstraziuns avevan scolars via las medias socialas. Sa participads a las demonstraziuns èn persunas da tuttas vegliadetgnas.

Sper millis e millis scolaras e scolars èn era lur geniturs, tats e tattas ed auters simpatisants sa participads als protests paschaivels. A Berna e Lucerna èn radund 2'000 persunas idas sin via, a Basilea 1'000.

Gia il venderdi avant duas emnas eri vegnì demonstrà en pliras citads svizras cunter la protecziun dal clima – tranter auter er a Cuira. Per pudair sa participar avevan scolaras e scolars manchentà voluntariamain la scola. La scolara svedaisa Greta Thunberg vala sco exempel dal moviment che na va betg a scola il venderdi e demonstrescha enstagl per reducir las emissiuns da CO2.

Naginas emissiuns da CO2 enfin il 2030

Ils demonstrants han pretendì ch'il stgaudament dal clima vegn acceptà sco crisa e che quel vegn er tractà lasuenter. Tranter auter pretendan ils demonstrants che la Svizra reducescha fin l'onn 2030 las emissiuns da CO2 sin nulla.

RR novitads 17:00