Siglir tar il cuntegn

Header

cuntegn

Svizra Demonstraziuns sin l’entir mund per proteger il clima

Avant l'inscunter suprem davart il clima demonstreschan activists sin l'entir mund e pretendan dapli mesiras per proteger il clima. A Melbourne en l'Australia eran passa 40'000 demonstrants sin las vias. En tut èn previsas ed organisadas 2'300 manifestaziuns en 150 differentas stadis.

Glindesdi cumenza l'inscunter suprem a Paris, nua che tut las demonstraziuns èn scumandadas, suenter las attatgas terroristicas dals 13 da november. A l'inscunter vegn contractà ina nova cunvegna da clima per reducir ils gas da serra en l'atmosfera. Part fan 10'000 delegadas e delegads da 195 stadis.

Canada vul augmentar meds finanzials

Il Canada ha entant annunzià da vulair dublegiar l'agid finanzial per la protecziun dal clima en stadis paupers. En il decurs dals proxims 5 onns vul la regenza canadaisa impunder 2 milliardas dollars per tals projects, ha ditg oz il primminister Justin Trudeau, dus dis avant l'inscunter suprem da l'ONU davart il clima. Tge projects en tge stadis che duain vegnir sustegnids, na saja anc betg cler e vegnia anc sclerì, uschia Trudeau.

RR novitads 11:00

Artitgels legids il pli savens