Ils deposits a vista da la banca naziunala èn las davosas emnas creschids. Quai tenor ina communicaziun da la Banca naziunala svizra. Ils deposits da la Confederaziun e da las bancas eran ils 20 d'avrigl tar 575,4 milliardas francs. Avant in'emna eran quai anc 575,1 milliardas francs. Quai è in augment da 300 milliuns francs.
Flaivlentar valuta dal franc svizzer
Il svilup da quests deposits è in indizi che la banca naziunala è intervegnida en il martgà da devisas per flaivlentar la valuta dal franc svizzer, scriva l’agentura da novitads sda. La banca centrala cumpra valutas estras e bunifitgescha a las bancas l'import da francs sin lur conto tar la Banca naziunala Svizra.
RR novitads 11:00