Siglir tar il cuntegn

Header

Simonetta Sommaruga tegn in pled tar ina occurenza a Glattfelden davart il deposit da ruments radioactivs.
Legenda: Simonetta Sommaruga tegn in pled tar ina occurenza a Glattfelden davart il deposit da ruments radioactivs. Keystone
cuntegn

Deposit da rument radioactiv Sommaruga visita vischnancas pertutgadas

La ministra d'ambient ed energia Simonetta Sommaruga è ida per tadlar ils quitads da las vischnancas pertutgadas dal deposit da rument radioactiv. Tar ina occurenza ha la populaziun pudì tschentar dumondas e s'infurmar.

Tar l'occurenza ha Sommaruga ditg ch'ella saja impressiunada quant constructiv che la populaziun va enturn cun la decisiun da la Nagra. Ella portia ina chargia per l'entira Svizra. Datiers da Lägern duain ils ruments radioactivs svizzers vegnir deponids. Geologs da la Nagra, la Societad naziunala per il deposit da ruments radioactivs, han decidì ch'il lieu saja il meglier per quai.

Lieu da deposit da ruments radioactivs svizzers.
Legenda: Lieu da deposit da ruments radioactivs svizzers prevesì. SRF

Tar l'occurrenza a Glattfelden èsi vegnì tschentà bleras dumondas. Sche l'aua sutterrana saja protegida avunda dals ruments radioactivs, e quant bler indemnisaziun finanziala che la populaziun vegnia a survegnir, vuleva la glieud savair.

Tscherts restan sceptics

Betg tut las abitantas ed abitants da las vischnancas pertutgadas èn persvas che Lägern è vairamain la meglra schelta per il deposit. Avant che Sommaruga ha pudì tegnair il pled ha ella survegnì ina brev da la populaziun cun 400 suttascripziuns. Quella pretenda che la schelta da la Nagra vegn intercurida d'ina cumissiun independenta.

audio
Per tadlar: las novitads da las 07:00
ord RTR Audio dals 01.11.2022.
laschar ir. Durada: 5 minutas 19 Secundas.

RTR novitads 07:00

Artitgels legids il pli savens

Scrollar a sanestra Scrollar a dretga