Tranter auter duai dar dapli daners per cas da direzza e la cassa da dischoccupaziun ed er tests da corona da persunas senza sintoms duain vegnir pajads da Berna. E tgi che na sa tegna betg vi da las reglas da corona duai survegnir ina multa.
Las partidas grondas beneventan ch'il Cussegl federal ha adattà la mesemna las mesiras da corona:
- Ils Social-democrats beneventan surtut ch'ils daners per cas da direzza vegnian dublegiads sin 5 milliardas francs.
- L'Allianza dal center beneventa er las mesiras, vul dentant re-introducir il program da credits da covid.
- La PPS crititgescha ch'il Cussegl federal impundia anc ina giada 8,5 milliardas francs per cas da direzza e l'assicuranza da dischoccupaziun, enstagl da terminar il lockdown.
- Per ils Liberal-democrats èn las mesiras in pass en la dretga direcziun.