Siglir tar il cuntegn

Header

Navigaziun

Purtret da la citad da Lucerna.
Legenda: La destinaziun da Lucerna è top. Keystone
cuntegn

Svizra Destinaziuns svizras fan bun plazzas

Las destinaziuns da turissem svizras en las Alps carmalan puspè dapli giasts. En cumparegliaziun internaziunala han quellas numnadamain fatg bun en media 8 plazzas. L'institut da perscrutaziun Bakbasel ch'ha fatg il studi, discurra d'ina midada da trend.

Dapi la stagiun d'enviern 2016/17 è il dumber da pernottaziuns creschì mintg'onn: En las regiuns da las Alps svizras per 5%, sco quai ch'il nov rapport «Topindex 2017» mussa. Il 2018 è quest svilup anc ina giada creschi. Quai surtut tar ils giasts tudestgs.

Bun turissem da stad

Cun 23 milliuns pernottaziuns sajan las cifras suenter il schoc dal franc il 2015 quasi cumpensadas e puspè sin il nivel dal 2011, uschia Bakbasel. Quest svilup è però surtut d'engraziar al turissem da stad. Tranter las 15 top destinaziuns d'enviern sa chattan da nov 2 svizras tranter quellas da stad 5. A la testa resta Lucerna. Grischunas n'èn però naginas tranter las 15 meglras. Tavau Claustra e Flem Laax han però pudì far bun plazzas. Quellas duas destinaziuns tutgan tranter quellas 10 destinaziuns ch'han pudì far bun il pli bler en la stad 2017.

RR novitads 06:00