Detaglist - Damain pendularis, damain svieuta per Valora

Il detaglist Valora ha fatg l'onn passà ina sperdita. Cun ina normalisaziun da las fatschentas quinta Valora il pli baud il decurs da la segunda mesadad da l'onn. La svieuta è sa reducida il 2020 per 15% sin 1,7 milliardas francs, communitgescha Valora. La raschun per il minus sajan las restricziuns da corona. Cunquai che bleras butias da Valora sa chattan en lieus fermamain frequentads sco staziuns da tren, ha l'interpresa en spezial patì da pli paucs pendularis.