Assicuranzas socialas duajan pudair engaschar detectivs sch'i dat il suspect sin abus. Il Cussegl federal ha tramess en consultaziun la basa legala unifitgada. Uschia duai en general vegnir promovì il cumbat cunter l’abus, scriva il Cussegl federal.
En in sistem d'assicuranzas obligatoricas saja impurtanta la confidenza, scriva la regenza en in rapport. Prestaziuns nunlubidas stoppian perquai vegnir sclaussas.
Actualmain è la basa legala per observaziuns manglusa. Quai ha constattà il Tribunal europeic dals dretgs umans.
