Siglir tar il cuntegn

Header

Anna Seraina Arquint Sonder.
Legenda: Anna Seraina Arquint Sonder. RTR, Angela Hendry
cuntegn

Di d'acziun sanadad psichica Nus discurrin surlonder

Mintga segunda persuna è pertutgada insacura en sia vita d'ina malsogna psichica, scriva l'Uffizi federal da sanadad. Pervia da la situaziun da pandemia lantscha quel perquai in di d'acziun che duai sesibiliar. La psicoterapeuta Anna-Seraina Arquint Sonder è stada en il studio da radio da RTR.

Anna-Seraina Arquint Sonder ha ragischs engiadinaisa, è dentant dapi ditg a Cuira. Audituras ed auditurs han gì la pussaivladad da telefonar en il studio e far dumondas ubain raquintar, tge che fatschenta actualmain e tge strategias ch'els han d'ir enturn cun la crisa da corona.

Qua pudais tadlar suenter las intervistas cun la psicoterapeuta.

video
Tge far per restar saun en temp da crisa?
Or da RTR Social dals 10.12.2020.
laschar ir

Di d'acziun sanadad psichica

Divers studis e retschertgas mussan che la crisa da corona smatga sin la morala da la populaziun svizra. Cunquai che la pandemia vegn anc a durar e ch'ils mais d'enviern èn per regla psichicamain pli pretensius, lantscha l'Uffizi federal da sanadad sin incumbensa dal Cussegl federal in di d'acziun davart il tema sanadad psichica. Il temp da pandemia vegnia savens accumpagnads da malsegirezzas, quitads, temas ed isolaziun. Quai pervia ch'ins n'haja betg la controlla davart quai che capita.

10 da december: Di d'acziun sanadad psichica

Avrir la boxSerrar la box

Er RTR e la SSR fan part dal di d'acziun da gievgia, ils 10 da december davart la sanadad psichica. A pled vegnan tranter auter persunas ch'han fastidis cun la situaziun sco er persunas dal fatg, quai duai rumper tabus.

Er la SSR ed RTR fan part dal di d'acziun per la sanadad psichica. Gievgia bun'ura tranter las 8:00 e 9:00 uras è la psicoterapeuta Anna-Seraina Arquint Sonder en il studio da radio da RTR. Ella ha ina pratica da terapia a Cuira e lavura gia passa 38 onns sco psicologa.

RTR actualitad 07:00

Artitgels legids il pli savens

Scrollar a sanestra Scrollar a dretga