Ils proxims dis cuntinuescha l'aura chauda. Sur tut mardi e mesemna po la marca da 30°C vegnir surpassada en blers lieus.
Bler traffic la dumengia
Malgrà la bell’aura èn blers ids sur Ascensiun en il sid. Da turnar hai dà ier bler traffic: Avant il tunnel dal Gottard han ins stuì spetgar ier saira enfin 4 uras cun 15 kilometers colonna, ha communitgà Viasuisse. Guntgir sur il pass dal Gottard n'è betg stà pussaivel, perquai che quel è stà serrà pervi d'ina lavina. Er via il San Bernardino han automobilists stuì ir sin il frain ed han pers fin duas uras.
Visita da Mike Pompeo ha anc pegiurà traffic
La visita dal minister da l'exteriur american, Mike Pompeo ha anc pegiurà la situaziun da traffic scriva Viasuisse enavant. Da las 11 uras è l'autostrada A2 vegnida serrada per in curt temp tranter Lugano-Nord e Bellinzona. Quai ha lura chaschunà colonnas fin a Mendrisio. Entras quai èn er las vias principalas tranter Agno e Cadenazzo stadas pertutgadas.
RR novitads 06:00
