Siglir tar il cuntegn

Header

Crusch cotschna
Legenda: Keystone
cuntegn

Di da la Crusch Cotschna Crusch Cotschna Svizra appellescha a la solidaritad

La Crusch Cotschna Svizra appellescha a la solidaritad durant la pandemia da corona. La crisa intensiveschia numnadamain l’inegualitad sociala surtut en l’emisfera dal sid.

Quai ha communitgà l'ovra d'agid a chaschun dal Di mundial da la Crusch Cotschna. Er en stadis pli paupers duajan las gruppas da risico vegnir vaccinadas tant pli spert. Per far quai, dovrian quests stadis avunda vaccin, ma er agid logistic per reparter quel, pretenda la Crusch Cotschna. La finamira saja da vaccinar radund 500 milliuns persunas.

Er en Svizra dovri dapli engaschi

Ma er en Svizra dettia persunas basegnusas pervi da la pandemia. Cunzunt independents e persunas or dal sectur da pajais bassas, ch'eran gia avant la crisa en miserias finanzialas, na possian betg pli supportar ulteriurs custs. Dasper las ovras d’agid sajan en emprima lingia er la Confederaziun ed ils chantuns dumandads. L'onn passà ha la Crusch Cotschna sustegnì persunas basegnusas cun 11,5 milliuns francs.

Il di da la Crusch cotschna

Avrir la boxSerrar la box

Mintg'onn vegn festivà ils 8 da matg il di da la Crusch Cotschna Internaziunala. Quest di il 1928 è naschì il genevrin Henry Dunant - in dals fundaturs da la Crusch Cotschna e purtader dal Premi Nobel da la pasch.

Ord l'archiv:

video
150 onns Crusch Cotschna Svizra
Or da Telesguard dals 31.05.2016.
laschar ir

RTR Novitads 12:00

Artitgels legids il pli savens

Scrollar a sanestra Scrollar a dretga