Siglir tar il cuntegn

Header

cuntegn

Di da partida PS per canortas ed encunter refurma da l'AVS

Avant curt ha cumenzà il di da partida dals socialdemocrats. Pervi da la pandemia ha quel puspè lieu a moda digitala. Sin il program vast èn tranter auter la refurma da las structuras e da lantschar novas iniziativas, sco per exempel l’iniziativa per canortas pajablas. La PS crititgescha ch’i dependia ferm dal domicil, sch’i dettia avunda plazs libers en las canortas e quant bler che quels custian.

La copresidenta, Mattea Meyer, ha vinavant ditg, che la partida veglia cuntanscher in Na a la refurma da l'AVS. I saja inacceptabel che «nossas mammas han lavurà lur entira vita senza tgira d'uffants externa, persuenter senza paja».

Plinavant è en discussiun in’ulteriura iniziativa che pretenda ina politica d’energia e dal clima ch’è portia giustia sociala.


Parolas per ils 15 da matg

Da lur di da partida digital han il delegads da la PS dà or lur parolas per las votaziuns dals 15 da matg. Ils socialdemocrats din Gea a l’iniziativa per la donaziun d’organs automatica ed a la lescha da films. Na din els percunter a la finanziaziun da Frontex, l’Agentura europeica per la cooperaziun operativa als cunfins exteriurs.

RTR novitads 12:00

Artitgels legids il pli savens