Siglir tar il cuntegn

Header

audio
Pled da Ignazio Cassis a chaschun dal di dals malsauns
Or da RTR Audio dals 06.03.2022.
abspielen. Laufzeit 2 minutas 33 Sekunden.
cuntegn

Di dals malsauns «Viva tia vita»: Drizzar la vista sin las varts positivas

Quest onn stattan las activitads dal di dals malsauns sut la devisa «Viva tia vita». Il moto duai encuraschar, da drizzar la vista sin las varts positivas e dad ir encunter ad autras persunas.

«Viva tia vita»: Quel moto metta en la vita en il center, e betg la paina. Quai di il President da la Confederaziun, Ingazio Cassis, en ses pled a chaschun dal di dals malsauns. Er persunas malsaunas mussian, ch'ellas sappian bain viver lur vita. Plinavant s'engrazia Ignazio Cassis a tut las persunas che sustegnan persunas malsaunas, sajan quai medis u tgirunzas, la famiglia, amias ed amis.

La vita saja dentant er ina sfida cun stortas nunspetgadas, che mettan sin il chau la vita dad in di sin l'auter. Quai possia esser in accident, ina malsogna u ina guerra. Ils patratgs da Cassis giajan tar quel punct a las persunas en l'Ucraina – nua ch'i n'è betg pussibel da viver l'atgna vita. En uschè muments saja impurtant da betg esser sulet e d'avair persunas che porschan sustegn.

Di dals malsauns

Avrir la box Serrar la box

Il di dals malsauns datti en Svizra dapi 80 onns. El ha lieu adina l'emprima dumengia dal mais mars.

Il di duai promover las relaziuns tranter persunas saunas e malsaunas e crear chapientscha per ils basegns da persunas malsaunas.

Pled da minister da sanadad Peter Peyer

«Viva tia vita» na veglia betg dir, d’accentuar mo ses agens basegns, senza resguardar autras persunas ed aspects. Quai scriva il minister da sanadad chantunal, Peter Peyer, en ses pled. «Viver tia vita» veglia plitost dir da viver ina vita autodeterminada malgrà restricziuns. Per far quai pon ins dumandar agid: da confamigliaras e confamigliars, da las expertas e dals experts dal sectur da sanadad, d'instituziuns e d'uffizis.

Il Di dals malsauns duai encuraschar las persunas malsaunas da far valair lur basegns. Ma el duai er esser in «grazia fitg» per tut quellas e quels che s'occupan da persunas malsaunas.

RTR novitads 12:00

Artitgels legids il pli savens

Scrollar a sanestra Scrollar a dretga