Siglir tar il cuntegn

Header

cuntegn

Di internaziunal da la ventira Ils Finlandais èn ils pli ventiraivels

La ventira sin l'entir mund è restada constanta malgrà divers conflicts. Quai constatescha ina gruppa dad experts independents en il rapport da ventira. Per la sisavla giada è la Finlanda il pajais cun la pli ventiraivla populaziun.

Rangaziun da ventira

Avrir la box Serrar la box
  • Finlanda
  • Danemarc
  • Islanda
  • Israel
  • Pajais Bass
  • Svezia
  • Norvegia
  • Svizra
  • Luxemburg
  • Nova Zelanda

Il rapport sa basa sin datas da l'institut Gallup dals ultims trais onns. Ils scienziads e las scienziadas han scuvert sis facturs-clav per mesirar la ventira:

  • sustegn social
  • entradas
  • sanadad
  • libertad
  • generusadad
  • absenza da corrupziun

L'Ucraina sa chatta sin plaz 92. Pia sa sentan Ucranais ed Ucranaisas meglier che suenter l'annexiun da la Crim dal 2014. Tenor ils experts haja la populaziun ucranaisa uss in pli ferm spiert da cuminanza e fidanza en lur president. A la cua dals 137 pajais examinads sa chattan Afganistan e Libanon.

Or da l'archiv:

audio
Cura es Ti ventiraivel?
ord Marella dals 25.02.2018. Maletg: RTR/ A.Alexandre
laschar ir. Durada: 46 minutas 26 Secundas.

RTR novitads

Artitgels legids il pli savens